النضال مستمر
كتبهاnihad_sad ، في 3 يونيو 2006 الساعة: 16:00 م
بسم الله الرحمن الرحيم
ومازال النضال مستمر
بعد السلام والتحيه
كنت قد سبق يا اخوتي ان حدثتكم عن قضيه الاستعمار الاماراتي لاكبر المصارف في الخرطوم بل في السودان اجمع هذا الصرح العملاق الذي يعتمد عليه السودان اجمع في العمل المصرفي
وكنت قد سبق ان اخبرتكم بالمؤامره الدنيئه التي يقوم بها بني خرباش لاحاله 80% من موظفي بنك الخرطوم الي الشارع والمصيبه الاكبر من غير حقوق اي تروح بيت فورا وتضع راسك قفا علي مهدك وتنوم طوالي
بالله عليكم ايعقل هذا ؟ ماذا سيفعلون ومن اين سيعتاشون ومن اين سيتعلمون ؟ اتعلمون يا اخوتي في العالم العربي اجمع ان هنالك ارامل قست عليهم الدنيا مره برحيل ازواجهن وترك عدد من الاطفال والان ستقسو عليهم مره اخري وتاخذ منهم مئواهم ومصدر معيشتهم بنك الخرطوم ؟يا الله اين ستذهب تلك الارمله؟اين؟قولوا لي بالله عليكم حكموا عقولكم الي اين وهي محموله باجار بيت يأوي اطفالها ومصاريف بالكاد تواصل بها تعليمهم ولا كيف ستواجه غلاء المعيشه من اكل وشرب ملبس الي اين ستذهب؟هنالك بالتاكيد جواب الخيانه والعماله الاجنبيه الخرباشيه :الي الشارع طبعا
الي اين سيذهب العامل البسيط وبالكاد يصارع متطلبات العيش والسكن الجهنميه من اين يعيل اسرته ومن اين يعالجهم من اين؟
يالله علي هذه الكارثه لو قعت يالله يارحيم ارحم بهم نحن نعلم ان الرزق بيدك ولكن هنالك المتسببون
يا اخوتي احسبوها معي بالعقل طيب ممكن انا احيل موظف الي الصالح العام في حاله اذا كان انتاجه يعود عليا بالخساره او متباطء بعمله او حالته الاجتماعيه طيبه بس اذا كانت هذه الاسباب غير متوفره بل العكس تماما ممكن انسان يقوم بذلك بالله عليكم ردوا عليا
حقيقه الان منتشر الزعر بين موظفي بنك الخرطوم وابتدءوا مشوار النضال حيث ارفع خطاب لمحافظ بنك السودان واجتمعت النقابه واوقفوا الخصخصه لوقت مؤقت وليس نهائي وايوم من تحت تحت سمعت اخبار ان الخصخصه اتيه اتيه باسباب غريبه وهيا اي فرد او موظف فوق سن ال35 مش معانا فما بالك بسن الربعين والخمسين والخصخصه من غير حقوق يعني ايد ورا وايد قدام
احب ان اقول واوجه رساله لبني خرباش اذا حاولت ان تنفذوا هذه الكارثه الويل ثم الويل لكم اولا واول خطوه مفترض يقوم بها موظف بنك الخرطوم بالاضراب ولي فقط موظف بنك الخرطوم بال القسم المصرفي اجمع بجمهوريه السودان من شرقه وغربه الي شماله وجنوبه وسنضال ونضالنا سيكون حلالا لانه من اجل قضيه
تابعوني فللحديث بقيه
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
يونيو 4th, 2006 at 4 يونيو 2006 12:44 ص
السلام عليكم اخى الكريم
اولا الموضوع سودانى بحت يعنى اصحاب العقالات اللى يزورو بلوجك اغلبهم ما عندهم شغله بيك يعنى كلام الطير فى الباقير
المهم قضيتك القلتها مهمه جد لكن ليست وحدها يعنى عند البلد كلها حكومة السرور باعتها ووالى الخرطوم ما قصر
خصخصه صالح عام معاش مبكر مصطلحات اتعودنا عليها
البلد اتباعت من زمن كان عند حاجه حصلها ما يشلها المستثمر الجديد يعنى ما تستغرب لو لقيت بكره بعد بكره واحد دق ليك الباب وقال ليك البيت اتباع من قبل المحليه
عشان كده ابقى ستاند باى 100%استعداد البلد فى حالة حرب بيوعات
دارفور اتقسمت زى المراره الجنوب 550لغم مزروع والقروش البشيلوها من الحكومه ماشه نثريات عند فى جوبا كم حاله وفاة بالكوليبرا وما تنسى الخرطوم وزير الصحه فى تصريح رسمى اكد انوا دى حالات اسهال مائى عادى والى الخرطوم قال بكل فخر البلد ليها ست سنوات ما جاتها كوليرا وزير الصحه اول حاجه قال دى مرتبطه بالكماين بتاعت الطوب جاى جاى طلع كلاموا كضب ظهرت فى اللاماب وفى امبده وفى الامتداد واذدحمت المستشفيات ولسع بصرحوا بعدم وجود حالات كوليرا
الشعب السودانى ابقنبور
لقد اسمعت لوناديت حيا**ولكن لا حياة لمن تنادى
ولو نارا نفخت بها اضاءت**ولكن انت تنفخ فى رماد
لدريد بن الصمه
كنت عاي اترحم على الشاعر ده لانو شعروا لامس العصب لكن اتذكرت انوا مات مشرك فى معركة هوازن
المهم
زى ما قلت ليك خليك مستعد زى ما قال حميد ( الجاى اعتى من اللى فات)
التاس بقت مشلهته محل ما تمشى قلع قلع امرق ابقى مارق كلها قروش والخصخصه كان وصلت على بنك الخرطوم ما فاتت درداقت السوةق المحلى هى عباره عربه بلستك واحد يدفعها المغلوب على امره يعنى عتاله ناس المحليه امسكوا اعملوا ليهم نمر وتصريح وما عارف رسوم يوميه
سودانيير اللى كان بيضربوا بيها المثل فى تأخير المواعيد باعوها
غابة السنط شارع الغابه باعوها وحته جنبها اسمها الساحل الذهبى
مستشفىالخرطوم باعوا نصها وما همهم ارامل ايتام جن احمر المهم عايزين قروش
غايتوا ما فضل الا القصر الجمهورى
على رأى الحردلو
انعل ابوكى بلد
زى ما قلت ليك ابقى عشره على الوصيه وكان عندك باقى بهيمات فى البلد الحقن
قبل ما تصلن الثروه الحيوانيه
اه اه اه يا بلدى
يا ريت لو الشاعر بتاع
خرطوم يا مهد الجمال وموطن الاوطان عندى
حضر زمنا دا وخشى على سنتر الخرطوم
طين وسخ قرف شماشه حراميه مياه راكده ضبان
ده سنتر البلد
اللى هو واجه البلد
يا خوى ودعناك الله وزى ما قلت ليك انا اخوك فى الوطن الكبير الذى ضاق باهله
وابقى عشره على الوصيه
يونيو 4th, 2006 at 4 يونيو 2006 12:50 ص
دقيقه انا نسيت كان بت ولا ولد وخاطبت بصيغة المذكر لكن اكان بت قولى لى كلو ما واحد البنات بقوا بتفرزوا من الاولاد
آسف ان حصل تقصير واصلوا نحن العوجه ملازمانا ….لكن
ما اضيق العيش لولا فسحةالامل
يونيو 6th, 2006 at 6 يونيو 2006 3:37 ص
العيب ما على الخليجين والاماراتيين , العيب على الحكومة السودانية اولا واخرا , المفروض انها تلزم اي شركة او مؤسسة اجنبية غير سودانية بانها تضمن تشغيل طاقم عمل سوداني بنسبة معقولة وتكون منصفة للطرفين , والمسألة مافي انو شركة اجنبية تشتري بنك الخرطوم او تديره او تملكه , المسألة هي في المصلحة النهائية حتكون وين , هل لصالح المواطن والوطن , او لصالح الشركة الاجنبية وبس . او لصالح الحكومة (( طبعا الحكومة بقت مفصولة من الشعب ) مش كده ولا شنو يا اخت نهاد . في النهاية دي مسؤلية الحكومة والاجهزة المصرفية في الدولة تجاه المواطن , ودي اموال للشعب السوداني ومفروض على الحكومة انها توظفها وتشغلها بطريقة مناسبة لانو ربنا حيسألهم من الاموال دي , والشعب برضو بيسأل , لكن حيروحو من ربنا وين ؟؟؟؟؟
يونيو 11th, 2006 at 11 يونيو 2006 11:40 ص
الا خ الكريم لم استطيع ان اقرئ الخط ارجو تكبير الخط مره اخري وشكرا عزيزي